๐ข๐จ๐ง๐ฅ๐๐๐๐ ๐ฃ๐ฅ๐ข๐๐ฅ๐๐ , ๐ก๐๐๐๐๐ง๐๐ ๐ก๐ ๐ง๐จ๐๐ข๐ก๐ ๐๐ง ๐ฃ๐๐-๐๐ฆ๐ ๐ฆ๐ ๐ ๐๐ ๐ฃ๐๐ ๐๐๐ฌ๐ ๐๐ง ๐๐๐๐๐ง๐๐๐ก ๐ฆ๐ ๐ฅ๐๐ญ๐๐, ๐ก๐จ๐๐ฉ๐ ๐๐๐๐๐
Facts And Figures (June 30, 2026) โ Pinagtibay ng PAPER.PH, Inc., Tactical Operations Group 3 ng Philippine Air Force (TOG 3 PAF), at Face to Face Church ang kanilang malasakit sa komunidad sa pamamagitan ng isang community outreach program na isinagawa noong June 27, 2026 sa Sitio Nambabakalan, Barangay General Luna, Rizal, Nueva Ecija.
Bilang bahagi ng programa, namahagi ang mga katuwang na organisasyon ng iba’t ibang pangunahing pangangailangan sa mga residente, kabilang ang hygiene kits, lunch boxes, sabon, toothbrush at toothpaste, mga damit, sapatos, bag, planggana, tabo, hanger, at mga pagkain. Naglaan din sila ng almusal at tanghalian para sa mga pamilyang nakiisa sa aktibidad.
Hindi bababa sa 30 mag-aaral ang tumanggap ng hygiene kits at lunch boxes bilang suporta sa kanilang pang-araw-araw na pangangailangan sa pagpasok sa paaralan. Samantala, pinagkalooban naman ng planggana, tabo, at hanger ang mga ina ng komunidad upang makatulong sa kanilang mga gawaing-bahay.
Ayon sa PAPER.PH, Inc., ang lahat ng ipinamahaging tulong ay nagmula sa sama-samang ambagan, boluntaryong kontribusyon, at personal na pagsisikap ng mga opisyal at miyembro ng organisasyon bilang bahagi ng kanilang patuloy na adbokasiya sa paglilingkod sa mga komunidad na nangangailangan.
Naging katuwang ng organisasyon sa outreach activity ang Tactical Operations Group 3 ng Philippine Air Force sa pamumuno ni Col. Juji Grant D. Generalao, PAF (GSC), Group Commander ng TOG 3 PAF, gayundin ang Face to Face Church na pinamumunuan ni Ms. Sharry Ann S. Ganareal.
Ipinamalas ng magkatuwang na inisyatibang ito ang kapangyarihan ng pagtutulungan ng mga pribadong organisasyon, simbahan, at mga institusyon ng pamahalaan sa paghahatid ng makabuluhang serbisyo, pag-asa, at suporta sa mga pamilyang higit na nangangailangan.
